Vakavakai 'oe Ngaahi-Lelei-ke-Tupulekina ma'a e kakai Tonga 'i Aotearoa

ʻOku tukupa ʻa Pasefika Proud ke poupouʻi ʻa e ngaahi komiuniti ʻo e Pasifiki ʻi Aotearoa Nuʻu Sila, ke fakapapauʻi ʻenau ngaahi fakaʻamu makehe, mo fakahoko ‘a e ngaahi founga ‘oku tataki ‘e he komiuniti, ke nau a’usia ia.

Ko e ngaahi palani ʻa e kolo Pasifiki ko ha founga mahuʻinga ia ki he meʻa ni – naʻe kamata ʻenau fononga mo e Maneaba Strategic Action Plan ki he ngaahi kolo Kiribati ʻi Nuʻu Sila (PDF 1.1 MB) ʻi he 2016, Te Olaga Ola Filemu mo e Tuvalu Family Violence Prevention Plan (PDF 4.2 MB) ‘i he 2019, Kāiga Tokelau Wellbeing National Strategic Plan (PDF 2.9 MB) ʻi he 2022, Lalawa Ni Tiko Vinaka mo e National Fijian Wellbeing Plan (PDF 4.9 MB) he 2022 pea kimui ni mai mo e Moui Olaola ‘a e National Niue Strategic Wellbeing Plan (PDF 4.8 MB) ‘i he 2023.

ʻI he taimi ni, ʻoku mau poupouʻi ʻa e Komiuniti Tonga kotoa ‘i Aotearoa Nuʻu Sila ke faʻu ha palani fakafonua,ʻo fakaʻaongaʻi ʻa e tuʻunga fakatakimuʻa ʻo Emeline Afeaki-Mafileʻo OM mo e timi Fofola Consultancy Ltd ke fakahoko e ngaue ni. Ko e kii ki he ngaue ni ko hono fakakau katoa mai hotau komiuniti Tonga ke fakahaaʻi ʻenau ngaahi faka’amu, fakakaukau, mo honau loto ke tokoni mo tanaki ki he ngaue fakalukufua ko ʻeni.

ʻOku mau fakaafeʻi atu 'a e ngaahi komiuniti Tonga kotoa 'oku 'i Aotearoa Nuʻu Sila ke kau ʻi ha savea vave ke poupouʻi ʻa e Assessment of the Wellbeing of Tonga People in New Zealand,ʻa ia ʻoku ne fakaʻata foki koe ke ke fakaha hoʻo tokanga ki he fetuʻutaki ʻi he hoko atu ʻa e ngaue.

Fakakakato ʻa e savea ʻi heni: (fakahu ‘a e fehokotaki’anga).

Ki ha ngaahi fehu’i kataki ‘o fetu’utaki ki he: office@fofola.co.nz

Fakaʻapaʻapaʻapa atu (Respectfully).

CLICK HERE to download a PDF copy of this story (PDF 335 KB)